a13:12,13,15, 34:19; Nani 8:16, 18:15,17, 22:29,30; Levi 27:26; Nani 3:13, 8:16,17; Dute 15:19; Hez 44:30; Luka 2:23
b12:42; Dute 16:3
c12:8
d12:2; Neh 2:1; Esta 3:7
e3:8,17, 23:23, 33:2, 34:11; Dute 7:1, 20:17; Josh 3:10, 12:8, 24:11; Hlu 3:5; Gen 15:19,20
f13:11, 6:8
g3:8
h12:25,26
i12:15,16
j13:14, 12:26
k13:16; Dute 6:8, 11:18; Nani 15:39; Mat 23:5
l12:14
m12:14,17,24,43
n13:2
o34:20
pNani 3:46,47, 18:15,16
q12:26
r13:3,16
s12:29
t13:13
u13:9
v14:11,12; Nani 14:1-4
w14:2
xGen 50:25; Josh 24:32; Seb 7:16
y12:37; Nani 33:6
z14:19,24, 40:38; Nani 9:15, 10:34, 14:14; Dute 1:33; Neh 9:12,19; Hlab 78:14, 99:7, 105:39; Isa 4:5; 1 Kor 10:1

Exodus 13

Amazibulo ehlukaniselwa iNkosi; umkhosi wesinkwa esingelamvubelo

1INkosi yasikhuluma kuMozisi isithi: 2Ngingcwelisela lonke izibulo, elivula loba yisiphi isizalo phakathi kwabantwana bakoIsrayeli, elomuntu lelenyamazana, lingelami a.

3UMozisi wasesithi ebantwini: Khumbulani lolusuku eliphume ngalo eGibhithe, endlini yobugqili b; ngoba ngamandla esandla iNkosi ilikhuphile lapha. Njalo kakungadliwa isinkwa esilemvubelo c. 4Ngalolusuku liyaphuma ngenyanga kaAbhibhi d.

5Njalo kuzakuthi lapho iNkosi isikungenisile elizweni lamaKhanani lamaHethi lamaAmori lamaHivi lamaJebusi e, afunga kuboyihlo ukukunika lona f, ilizwe eligeleza uchago loluju g, uzagcina linkonzo ngalinyanga h. 6Insuku eziyisikhombisa uzakudla izinkwa ezingelamvubelo, langosuku lwesikhombisa kuzakuba khona umkhosi eNkosini i. 7Izinkwa ezingelamvubelo zizadliwa ngensuku eziyisikhombisa; njalo kakuyikubonwa kuwe okuvutshelweyo lemvubelo kayiyikubonwa kuwe kuwo wonke umngcele wakho.

8Njalo uzatshela indodana yakho ngalolosuku usithi: Ngenxa yalokho iNkosi eyakwenza kimi ekuphumeni kwami eGibhithe j. 9Futhi kuzakuba kuwe luphawu phezu kwesandla sakho k lesikhumbuzo l phakathi laphakathi kwamehlo akho, ukuze umlayo weNkosi ube semlonyeni wakho; ngoba ngesandla esilamandla iNkosi ikukhuphile eGibhithe. 10Ngakho uzagcina lesisimiso ngesikhathi saso esimisiweyo iminyaka ngeminyaka m.

11Njalo kuzakuthi lapho iNkosi isikungenisile elizweni lamaKhanani, njengokufunga kwayo kuwe lakuboyihlo, isikunike lona, 12uzakwehlukanisela iNkosi konke okuvula isizalo; lalo lonke izibulo lomqegu wezifuyo olazo, amaduna azakuba ngaweNkosi n. 13Lalo lonke izibulo likababhemi uzalihlenga ngewundlu o; kodwa uba ungalihlengi, uzalephula intamo; lalo lonke izibulo lomuntu phakathi kwamadodana akho uzalihlenga p.

14Njalo kuzakuthi lapho indodana yakho ikubuza ngesikhathi esizayo isithi: Kuyini lokhu q? Uzakuthi kuyo: Ngamandla esandla iNkosi yasikhupha eGibhithe, endlini yobugqili r. 15Ngoba kwathi uFaro ezenza lukhuni ukuthi asiyekele sihambe, iNkosi yabulala lonke izibulo elizweni leGibhithe s, kusukela kuzibulo lomuntu kusiya kuzibulo lezifuyo; ngakho ngiyahlabela iNkosi konke okuvula isizalo okuduna; kodwa lonke izibulo lamadodana ami ngiyalihlenga t. 16Njalo kuzakuba luphawu phezu kwesandla sakho lamafilakteriyu* phakathi laphakathi kwamehlo akho u, ngoba ngamandla esandla iNkosi yasikhupha eGibhithe.

Ukuhamba kwabantwana bakoIsrayeli besiya eLwandle lweMihlanga

17Kwasekusithi uFaro eseyekele abantu bahambe, uNkulunkulu kabakhokhelanga ngendlela yelizwe lamaFilisti, lanxa yayiseduze; ngoba uNkulunkulu wathi: Hlezi abantu bazisole nxa bebona impi, babuyele eGibhithe v. 18Kodwa uNkulunkulu wababhodisa abantu ngendlela yenkangala yoLwandle oluBomvu w. Abantwana bakoIsrayeli basebesenyuka besuka elizweni leGibhithe behlomile. 19UMozisi wasethatha amathambo kaJosefa wahamba lawo, ngoba wayebafungisile lokubafungisa abantwana bakoIsrayeli esithi: Isibili uNkulunkulu uzalihambela; futhi kalibokwenyusa lapha amathambo ami lihambe lawo x.

20Basebesuka eSukothi, bamisa inkamba eEthama, ekucineni kwenkangala y. 21INkosi yasihamba phambi kwabo emini ngensika yeyezi ukubakhokhela endleleni, lebusuku ngensika yomlilo ukubakhanyisela z, ukuze bahambe emini lebusuku. 22Kayiyisusanga insika yeyezi emini, lensika yomlilo ebusuku, phambi kwabantu.

Copyright information for Ndebele